Mahal Kita Pero Paano?

Teary Eye. This is a sketch made by the author davincistoryunknownm. Sa ating buhay, napakadaming ‘what ifs’ ang siyang dumadating lalo na’t pagdating sa pagmamahal. Isinulat ko ang tulang ito para sa mga taong nagmamahal subalit nag-aalinlangan. Mahal niya ang taong iyon pero paano nga ba? | Poem |

Sana lahat ng tanong madaling sagutin.
Sana kapag tinanong ka, sarili mo’y sa huli ay di sisisihin.
Pero bakit? Ano? Sino? Paano? Gaano?
Mahal kita pero paano?
Paano kung may mahal ka nang iba? 
Paano kung ang loob mo’y tuluyang nahulog pa?
Paano na ang pagmamahal ko sa iyo?
Paano pala kung di tayo?

Hindi naman ako yung tipo ng tao na manghuhula.
Mahuhulaan ko ba ang iyong dahilan
Sa pag-alis mong naglaho ka na parang bula
Mahal kita pero paano nga ba?

Napakahirap… Napakahirap pag tugmain ng mga salita
Tulad ng pagtugma ng nararamdaman nating dalawa
Na para bang pinaglalaruan tayo ng tadhana
Ikaw at ako, hanggang sa huli’y may “tayo” nga ba?

Sa pag-alis mo’y paano kita mamahalin pa
Kung may mahal ka nang iba?
Sana lahat ng paano,
Ay masagot mo.

Hindi ako isang panis na pagkain o di masarap na pagkain
Na itatapon mo dahil hindi mo na gusto.
Mahal kita pero paano,
Kung ang pagmamahal ko’y binabaliwala mo?

Hindi ako isang libro na iyong binabasa
Na kapag natapos na’y isasara mo na at hahanap ng iba.
Mahal kita pero paano,
Kung ang libro natin ay tinapos mo na?

Hindi ako maganda tulad niya.
Hindi ako yung tipo na maporma.
Mahal kita pero paano,
Kung ang hanap mo’y hindi ako?

Hindi ako… Hindi ako… Ayoko na! Sasabog na ‘ko!
Luha… Luha ang siyang tumulo
Mula sa mga matang pawang nanlulumo
Guguho na! Oo, guguho na ang mundong ginawa nating dalawa.

Isa lang naman ang aking hinihiling.
Kahilingan na malabong tanggapin.
Na sana… Sana sa huli nito,
Sana sa huli nito ay magtapos sa ikaw at ako, mayroong “TAYO”.

Mahal kita pero paano?
Mahal kita pero…
Mahal kita…
Mahal na mahal.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s